رواية اجنحة الاحلام الفصل السادس بقلم مريم ولـيـد مـحمـد
خرج فعمار وقف قدامي وكمل وهو بيمسك كتفي
خلي بالك منه خلي عينك في وسط راسك يا سيا.. قصي مش سهل بس بلاش عند هو مش وحش للدرجادي.
حركت راسي بماشي وكملت
أنت مروح أمتى
استنيني هخلص حاجة ومروح متروحيش مع مروان.
حركت راسي بماشي روحت لمروان علشان كان مستنيني اتنفست بهدوء وكملت
أنت اللي وافقت.
حرك راسه بهدوء وكمل
متقلقيش يا سيا.. هو اكيد مش هيضر الشركة وبعدين كله قدام عنينا.
طيب يلا روح أنت عمار قالي استناه هنروح سوا.
ابتسم بهدوء وكمل
ماشي اتفقنا.. يلا خلي بالك من نفسك محتاجة حاجة
حركت راسي بنفي وكملت
لأ اتفضل.
كنت عارفة إن فيه جزء جوايا اتحرك ناحيته اصل وليه لأ! شخص شاطر مجتهد بيساعدني أحقق حلمي وواقف جنبي.. اخدت نفس وابتسمت بغباء
من أمتى عندك مشاعر يا سيا فوقي مجرد مساعدة.. هنقع في حب كل حد يساعدنا ولا إيه!
ممم باصة على إيه وبتبتسمي!
حركت راسي بنفي بسرعة وكملت
أنا! ولا حاجة يلا بينا نروح جعانة اوي.
ضحك بهدوء وكمل
يلا يا ست سيا يلا.
روحت ركبت العربية جنبه شغل الراديو فكانت شغالة أغنية سيرة الحب لأم كلثوم كنت باصة من الشباك وبدندن معاها
طول عمري بخاف من الحب.. وسيرة الحب وظلم الحب لكل أصحابه.. ياما الحب نادى على قلبي مردش قلبي جواب ياما الشوق حاول يحايلني واقوله روح يا عڈاب.. ياما عيوني شاغلوني لكن ولا شغلوني..
إلا عيونك أنت.. دول بس اللي خدوني خدوني.
والله!
بصيت له بخضة فضحك
هو مين يا قلب أخوكي!
اتعدلت في قعدتي وكملت
هو مين إيه بغني يا عمار الله!
بتغني للنيل ولا إيه!
كملت بغلاسة
مش يمكن!
عموما مش عاجبني حالك يا أنسة سيا وغير مسموح بالمرواح والمجي ها!
اتنهدت بتعب
ابتسم بخبث وبص قدامه
بس أنا مجبتش سيرة مروان أنا بتكلم عامة..
رفعت حاجبي فبصلي ضحكت بأستسلام
طيب فكك بقى.
هفكني بمزاجي عموما.
حركت راسي بغلاسة ومتكلمتش أنا مش حد سهل يقع في الحب.. بس كنت عارفة إني لو وقعت هبقى اتخطفت من أول دقيقة مش هحتاج سنين حرفيا هبقى أتاخدت على خوانة وأنا عيوني بټفضحني مبعرفش أداري.
ابتسمت وأنا بسند بإيدي على السور
آه يا فندم مين معايا!
قوليلها مروان بيه.
ضحكت بهدوء فكمل
واو إيه الضحكة دي يا أنسة سيا!
عاوز إيه دلوقت بترن ليه فيه شغل!
اتنهد وكمل في الموبايل وهو بيبصلي من الشارع
مش مسموح غير مكالمات العمل يعني
كملت وأنا بقف عدل وبدخل جوا
بالضبط يا فندم غير مسموح لما يكون عندك عمل كلمني..
قفلت في وشه السكة وضحكت جامد وأنا بقفل باب البلكونة مش أول حد عسول كده نوافق عليه عيب.
صباح الخير..
بصيت على الموبايل تاني بعد ما رديت وكملت بصوت نعسان
هو ليه الساعة ٧
يا نهار ابيض ما شاء الله ده صوتك مترديش على حد تاني اول ما تصحي..
معلش والله اټخضيت ولا ايه!
لأ دوبت..
شيلت التليفون من على ودني ومردتش فكمل
طب على فكرة دي مكالمة شغل اصحي اغسلي وشك والبسي وانا ساعة وهعدي عليك..
ومصحيني ليه دلوقتي لما انت ساعة وهتعدي عليا
كمل بملل
علشان تفوقي وتجهزي قال يعني بتجهزوا في أقل من
