رواية اجنحة الاحلام الفصل الخامس بقلم مريم ولـيـد مـحمـد
شاء الله قريب جدا.
خرجت من العربية بصيت فوق لقيت عمار واقف في البلكونة كان شكله معترض ومتعصب.. طلعت بسرعة فلقيته فاتح الباب وواقف مربعلي ايده ابتسمت في محاولة مني لتهدئة الموضوع وبوستة من خده
واو طالع بتستقبلني بنفسك!
سيا مش عاوز استعباط هو طبيعي تخرجي معاه منغير ما تقوليلي او تستأذنيني.. وكمان ترجعي معاه في عربيته والساعة داخلة على تسعة ونص! هو أنا طيشة!
أنت عندك حق تضايق معنديش مشكلة بس والله يا عمار ده كان يعتبر ميعاد شغل.. كنت بكلمه عن حاجة وعرض عليا عرض وفعلا أنا مش قصدي اضايقك بس مش متعودة أقول حاجة لحد!
اتنفس وهو بيحاول ينفث عن عصبيته ومسك ايدي
معنديش مشكلة يا سيا أنا مبقولش كلميني كل دقيقة.. بس أنا أخوكي يا حبيبتي الطبيعي تعرفيني أنت رايحة فين وجاية منين.. لو مش متعودة أتعودي خصوصا لما تبقي مع راجل غريب عننا!
خلاص يا حبيبي أول وأخر مرة.. أوعدك هحاول بعد كده أعرفك خطواتي.
ابتسم وكمل بهدوء
طيب يلا قومي غيري هدومك حضرت أنا الأكل النهارده.. أنا مش شاطر اوي في الأكل بس بعرف أعمل مكرونة بالوايت صوص وفراخ مشوية تحفة.
قمت وقفت بحماس
أيوه كده يا عمار دلعني هدخل أخد دش وأغير وجاية طيارة.
مقدرش أنكر كل محاولاته لأنه يمشي لطريقي خطوة وأنا اللي يمشيلي خطوة أمشيله خطوة برضوا.. بس ده مش أي حد ده عمار اخويا فطلاما مشي خطوة همشيله عشرة علشان بس نعيش سند بعض وضهر بعض وأمان لبعض.
واو بجد تسلم ايدك يا أجمل عمار.
ضحك بهدوء وغمزلي
بالهنا والشفا يا عسولة يلا اتغذي.. واعمليلنا بقى كوبايتين قهوة علشان عندنا نقاش.
أحنا فعلا عندنا نقاش ونقاش طويل كمان.
بصلي ورفع حاجبه
واضح إنك راجعة بأخبار كتير.
حركت راسي بآه فشاورلي على الأكل
خلصي الأكل ونتكلم.
أحلى كوباية قهوة
