رواية اجنحة الاحلام الفصل الرابع بقلم مريم ولـيـد مـحمـد

لعمار.
دي عربيتك!
شاورلي أركب فركبت بهدوء كان لابس بنطلون چينز عسول وعليه تيشرت أسود مبيلبسش اكسسواريز.. غير ربطة في ايده ومش حظاظة شكلها حاجة مهمة بالنسباله.
هتنامي ولا إيه على ما نوصل!
لأ بس فيه نسمة هوا جميلة بحب الهوا أوي بحس فيه إني حرة.
ابتسم بهدوء وكمل
بحس إنه بيجي يطير معاه كل المشاعر السلبية.. إيه رأيك نقعد في كافية على النيل
رفعت حاجبي وكملت
أي حاجة مش كده كده هنتكلم في موضوع الدار
اتنهد بهدوء وكمل
وكام حاجة تاني.
هو أحنا بيننا حاجة تاني نتكلم فيها
بصلي وسكت فأكتفيت بأن أنا كمان أسكت واو على كورنيش النيل وحلاوة كورنيش النيل.. أنا واقعة في غرام الهوا وكورنيش النيل والله.
تشربي إيه قهوة
حركت راسي بنفي وكملت
الجو حر عاوزة ليمون بنعناع.
رفع حاجبه وكمل بهدوء
أنا هطلب أيس كوفي لو حابة.
حركت راسي بنفي فطلب الحاجة كملت بهدوء
ها إيه بقى قرارك
سيا بطلي تسرع رجاءا يعني.. كنت حابب أعتذرلك الأول عن المرة اللي فاتت لما كنت عندكم.
هديت وبصيت له بأهتمام واتعدلت في قعدتي اتنهد وكمل
أنا بكون سخيف لما بتتفتح حوارات قديمة بحس إني مغفل ومشاعري تافهة أنا مش عبيط.. فاهم إن مش كل الناس زي بعضها بس بحس بعدم راحة لما سيرتها تتفتح.
كملت بهدوء
اسأل ولا أسمع بس
مش هقدر أمنعك تسألي بس موعدكيش إني هقدر أجاوب.
ابتسمت بهدوء
يبقى أسمع بس معنديش مشكلة.
أنا حد صادق أوي في مشاعره يا سيا لما بحب حد بحبه بجد.. بقدمله كل اللي محتاجه لدرجة إني في نهاية العلاقة حسيت إني مغفل!
هي انتهت ازاي
بصلي بنظرة فهمتها علشان قلت إني هسمع بس ابتسم وكمل بهدوء
كنت عارف إنك هتسألي على فكرة عيونك فضولية.. بس هقولك اټخنت.
فتحت عيوني پصدمة ورفعت حاجبي
أنت تتخان
ضحك وكمل بهدوء
يلا أهو اللي حصل بقى المهم متزعليش مني.
مش زعلانة أنت متزعلش علشان اتدخلت في خصوصياتك.. او ضايقتك.
حرك راسه ببكش وكمل
عامة دوري جاي وهتدخل في خصوصياتك.
ضحكت لأني عارفة إنه عاوز يفهم سر المشاكل اللي بيننا أحنا وقصي اتنهد بهدوء لما الحاجة نزلت وكمل
الدار بقى..
ابتسمت لما فتح سيرتها وكملت
أيوه الدار بقى.
أنا موافق بس بشرط.
بصيتله بخضة وكملت
إيه تتجوزني أنت كمان ولا إيه!
بصلي بإستغراب ورفع حاجبه فحمحت واتعدلت في قعدتي
اعتبرها من الحاجات اللي عندك فضول ليها كمل إيه شرطك
ضحك على رد فعلي وكمل
تمسكي شغل المحلات بتاعتي القانوني كله.
فجأة بتلاقي نفسك محطوط تحت أوبشنين أصعب من بعض في اللحظة دي أفتكرت طلب عمار مني وكملت بهدوء
ولو موافقتش!
اتعدل في قعدته وكمل
يبقى..