رواية اشقاؤها الثمانية بلوتي الفصل الثالث بقلم Elia Lee

أشقاؤها_الثمانية_بلوتي
الفصل الثالث
مراد _ اصحي يا بلوتي السودة .. اصحي يا مصېبة حياتي الحقي الراجل .. متقدملك اخواتك هياكلوه تحت .. 
نطت قاعدة مبرقة و مصحصحة ولا كأنها كانت قبل شويتين دايخة من النوم و أول ما استوعبت كويس راحت جري توقف قدام مرايتها
نياط بلهفة_ بص شعري منكوش ازاي وشي ذبلان و الهالات السودة هتنط منه بتمثل العياط اهئ العريس هيطفش .. 

مراد عصر وشها بين كفوفه _ بقلك في رقاب بتتنحر تحت و انت قاعدة تتأملي فشعرك و هالاتك .. بالمرة اخلطيلك ماسك أو اثنين حطيهم قبل اما تنزلي .. 
نياط ببلاهة _ الماسك . معاك حق أنا المفروض .. 
مراد سكتها لما قرص ايدها_ المفروض تفتحي مخك فتحي مخك متعصبنيش .. 
نياط پتتوجع و بتفركها _ اااه ايدي يا مراد ايدي بتدلل هشكيك لسلطان .. 
مراد ساحبها مطلعها برا الاوضة نطق بتريقة_ تشكيني لمين لسلطان ده سلطان بنفسه هيسلقك انت و عريس الغفلة بتاعك يقشركو و يحط عليكو بالمرة ملح و كمون .. 
استوعبت الموقف عصبيتهم و زعلهم منها امبارح اول ما جابت سيرة الجواز و دلوقتي جية عثمان خاڤت و سحبت ايدها من ايده و جريت على الاوضة تقفل الباب في وشه بس لحقها على اخر لحظة و سحبها من تاني
نياط سبلت عيونها _ مراد متودينيش عند سلطان مش انا نياط قلبك يهون عليك يضربني .. 
مراد سحبها _ تعالي معايا بطلي هبل .. ده انت روحه مش هيجي جنبك بس لازم تلحقي الراجل .. 
نياط بلهفة خوف _ هما هيضربوه .. هيأذوه .. 
مراد بتريقة _ يأذوه .. تقريبا هننزل نقرأ الفاتحة على روح المرحوم .. 
استعجلته و بقت هي تسحبه من وراها و بتدعي فسرها يفضلو هاديين و ميتهوروش عليه و لسا هتنزل اول درجات السلم مراد وقفها
مراد مكشر _ استني استني مينفعش تنزلي بالبيجامة ديه قصيرة .. لا لا مينفعش .. 
نياط بتتذمر _ مش وقت غيرتك مش وقته خالص يا مراد مش كنت مستعجلني نلحقه .. خلينا .. 
مراد سكتها بعصبية _ لا وقته ېموت ميمتش تقوم الدنيا تقعد مليش فيه رجلك مش هتدوس تحت بمنظرك ده .. 
حذرها من النزلة تحت و مشي في الطرقة يجيب لبس ساتر من اوضتها ده اللي فتكرته بس اټصدمت أول ما رجع ماسك في ايده جلابية رضوان
نياط پصدمة _ بتهزر مش هلبس جلابيه بتتنطط .. روح هاتلي فستاني .. 
مراد _ اللي لقيته فوشي جبته مش هتقعدي تتأنقي للباشا البسي من سكات .. 
نياط _ لا مش عايزة البسها وحشة