رواية اشقاؤها الثمانية بلوتي الفصل الثاني بقلم Elia Lee
موضوع عثمان تأجله لغاية أما اخواتها يتقبلو الفكرة جزئيا ع الأقل قررت اول ما تقوم الصبح توصله بأي طريقة تلغي جيته
الساعة وحدة بعد نص الليل ..
نياط في سابع نومة باب اوضتها اتفتح بشويش و حد دخل جوا على ريوس اصابيعه و لسا هيقرب منها النور اتفتح و يزن اللي كان بيمشي حافي في الظلمة لف يشوف مين شعله
يزن متوتر _ احم .. انت بتعمل ايه هنا يا زين ..
يزن _ انت كمان جاي من غير شبشب يعني بتتسحب الفرق بتتسحب من غير ظلمة اجيت على هنا ليه ..
زين متلبك _ اجيت ..
سكت لما سمعو صوت الباب بيتفتح بشويش تاني و حد بيدخل مروان اللي منتبهش على وجودهم غير لما قفل الباب من وراه لقاهم فوشه
زين _ مروان .. إيه اللي جابك على اوضة نياط فنص الليل مش سلطان قال ملمحش حد بيراضيها ..
مروان رفع حاجبه _ و الكلام ده بيمشي عليا لوحدي ما انتو كمان هنا ..
زين بتأتأة _ زي ما انت عارف سلطان حجز تلفونها و جيت اخد الشاحن بتاعه عشان متستعملوش ..
يزن _ ايوه صح .. و انا اجيت اخد شاحن اللاب توب ..
زين _ و انت يا عبقري ايه هو عذرك ..
مروان بثقة رفع أول حاجة جت فايده من التسريحة من غير ما يشوف هي ايه _ اجيت اخد ده ..
يزن ضحك _ مناكير ..
مروان بص للي فإيده رماه و رفع أي حاجة من غير ما يشوف هي ايه تاني _ احم .. لا ده ..
زين برفعة حاجب _ روج ..
مروان
