رواية اشقاؤها الثمانية بلوتي الفصل الثاني بقلم Elia Lee

أشقاؤها_الثمانية_بلوتي
الفصل التاني
عمران _ طيب قليلنا عايزة ايه نجبهولك او نعملهولك مش هنقول لا .. مفيش حاجة تغلا عليكي يا غالية .. 
نياط بتأتأة _ أنا .. أنا .. عايزة اتجوز عايزة اتجوز عايزة اتجوز .. 
تتجوزي بزعيق نطقو كلهم و عيونهم مبرقة كل واحد بيبص للتاني سلطان و عمران اللي قامو من الأرض مصډومين و اول ما اجت عيونهم بعينها وطت راسها بتبلع ريقها

زيد _ الجواز مرة وحدة لا و بتعيدها بدل المرة ثلاثة تأكيد يعني .. 
مروان بعصبية _ انت تهبلتي ايه الكلام الفارغ ده زواج ايه و نيلة ايه .. 
مراد ضحك _ انتو صدقتو و لا ايه اكيد بتهزر تلاقوها قرت رواية من بتوعها و اتقمصت الدور بلاها الهزار البايخ ده قوللهم بتهزري .. 
ضحكته اتلمت أول ما شاف نظرتهم اللي تشل خاصة سلطان اللي تكشيرته لوحدها خلته يفهم قد ايه الموقف جدي و مش حمل هزار
نياط بهمس _ انا .. أنا عايزة اتجوز فين المشكلة انتو لي محسسني اني .. سكتت 
مروان بزعيق _ لا كملي .. سمعينا كده .. 
جسمها اترعش قلبها هينط من صدرها و الدموع ملت عيونها أول مرة حد منهم يزعقلها بالطريقة ديه و الاوحش انو محدش من البقية اتدخل بس بالحقيقة هما ماسكين نفسهم بالعافية ولا حد فيهم بيهون عليه خۏفها أو زعلها 
سلطان بعصبية و هو بيشد على نطق كل كلمة _ نياط هي كلمة وحدة مفيش غيرها .. متجيبيش سيرة الموضوع ده تاني الغي مفهوم الجواز ده من راسك .. فاهمة .. 
مردتش عليه و طلعت جري قفلت باب الأوضة من جوا و اترمت على السرير دفنت راسها في المخدة بقالها ربع ساعة مستنية عمران يجي هو أول واحد بيطيب خاطرها سمعت لفة المفتاح الاحتياطي في القفل
نياط مبوزة _ مش عايزة اتصالح يا عمران .. سبني فحالي ملكش دعوة بيا .. 
سلطان بتريقة _ الأميرة مستنية تتصالح ..