رواية العقرب الفصل الثامن بقلم اماني سيد
انت في الصفحة 1 من 3 صفحات
البارت التامن
صمت رحيم برهه وقرر ان يقص عليها قصه حياته
رحيم بصى يا حبيبه الكلام ده مش عايز حد يعرفه الكلام ده ليكى إنتى
حبيبه أعتبر نفسك ماحكتش حاجه كأنك بتكلم نفسك
رحيم زمان لما كان عندى ٦ سنين أهلى ماتوا فى حاډثه والجيران ودونى ملجأ اتربيت في الملجأ وهناك اتعرفت على صاحبى على اللى كان معانا فى السخنه
بس للاسف اكتشفنا إن الناس العاديين مش لاقيين شغل فمبالك بقى اللى زينا
حبيبه طيب وعملتوا ايه سبتوا التعليم
رحيم لأ طبعا بس قررنا نتعلم صنعه مع دراستنا
حبيبه اشتغلتوا ايه
رحيم كل الشغلانات نقاشين سباكين كهربائين واشتغلنا فاعل بنشيل الطوب والظلت فى مواقع البناء
المهم خرجنا من الملجأ روحت شقت ابويا قاعدت فيها أنا وعلى بس مكنتش شقه كانت خرابه كانت محتاجه تتأسس من أول وجديد اسسناها وقاعدنا فيها وساعدت على إنه يجيب شقه هو كمان بقينا نشتغل شغله واتنين وتلاته فى اليوم الصبح نشتغل فواعل وبعد الضهر على حسب الطلب نقاش بقى نجار زى ماتيجى المهم إننا اخر اليوم يكون معانا اللى يقدر يعيشنا وبزياده
رحيم عشان لدغتى زى العقرب عارفه برج العقرب بيكونوا حذرين أوى مالهمش مالكه ولا ليهم نقطه ضعف تضغطى عليهم بيها وبيدوسوا فى أى حاجة ولو حد اذاهم بيكون لدغتهم و القپر عشان كده طلعوا عليا لقب العقرب مكنش حد يقدر يعملى حاجه
حبيبه بتخوفنى منك
رحيم ماتخافيش منى غير فى حالة واحدة بس
رحيم تخونينى او تبعينى
حبيبه يبقى عمرى ماهخاف منك
كمل بقى اتعرفت على مامت فجر إزاى
من ضمن الشغلانات اللى اشتغلتها اشتغلت فى ورشه نجاره صاحب الورشه كان راجل غلبان ووقتها انا كان عندى حوالى ٢٤ سنه
كان بيعتبرنى زى ابنه وكان عنده بنت واطلقت كانت اصغر منى بسنه
وقتها حضرت مشاكلها مع جوزها وكان سبب الإيجار إنه مش عنده شقه ومش بيشتغل وقفت جمبه وكنت زى ابنه ولما بنته عدتها خلصت طلب منى اتجوزها واحافظ عليها ووصانى عليها
رحيم وقتها يا حبيبه كانت فرصتى للجواز قليله شاب خارج من ملجأ مافيش فى ايده شغلانه ثابته وفى نفس الوقت مش أى حد ممكن يأمنلى على بنته
المهم اتجوزتها وبعد كام شهر عرفت إنها حامل وقتها فرحت كأنى عمرى فى حياتى مافرحت أبدا أخيرا هيكونلى عيله
المهم خلفت وبعد ما خلفت بشهرين حسيت انها
