رواية خفايا القدر الفصل السابع والعشرون والثامن والعشرون بقلم حليمة عدادي

نص الشركة لكن أقسم بالله لو طلعتي بتكذبي ھدفنك مكانك ..
مايا إطمن هتقابل والدتك وأختك بعدما ماتنفذ اتفقنا ..
بيجاد ماشي هستناكي ..
خرج بيجاد وهو متعصب وبيتوعد لمايا ..

مكان أول مرة نروحله 
في أوضة صغيرة تجلس فتاة على سرير متهالك الفتاة ذات جمال خلاب شعرها الأشقر نازل على ضهرها والدموع بتلمع في عينيها الزرقاء كانت ذبلانه 
سيلا بدموع أنا تعبت ياماما مش عايزه اتجوزه ..
نادية نعمل إيه يابنتي دا واحد ظالم لو رفضتيه ممكن يقتلك خلينا نفكر في حل ..
سيلا ماما ماتقوليش لأسر لو عرف ممكن يتهور ويعمل حاجة والراجل دا ممكن ېقتله ..
نادية راشد واحد مش سهل وممكن يأذي أسر ..
سيلا ماما ليه إحنا كدا ليه الحزن دائما مرافقنا الإنسان الوحيد اللي حبيته في حياتي مش هقدر أكون معاه ..
نادية اهدي يابنتي أسر لو من نصيبك مافيش حد هيقدر يفرقكم عن بعض ..
سيلا ساعديني ياماما عايزه أدخل الحمام ..
نادية جابت الكرسي المتحرك قعدتها عليه وساعدتها علشان تدخل الحمام
سيف واقف قدام الأوضه مستني أمل تطلع 
سيف أمل بتعملي إيه كل دا يلا بسرعه ..
أمل أنا جيت أه هتاخذني لفين ..
سيف بحب لمكان حلو زيك تسمحيلي أخطفك النهاردة ياأميرتي ..

مسك إيدها وخرجوا كان مبسوط لأنه شايف سعادتها حتى ولو شويه 
رحمة ربنا يسعدكم ويفرح قلوبكم ويبعد عنكم الحزن ..
في الخارج سيغ فتحلها باب العربية 
سيف إتفضلي يا أميرتي ..
أمل تسلم ياقلب أميرتك ..
أمل ركبت وهو قفل الباب لف وركب الناحية الثانية واتحركوا
أمل بفضول سيف إحنا رايحين فين ..

سيف مفاجأة ..
أمل عندي فضول كبير أعرف ..
سيف لوقلتلك مش هتبقى مفاجاه وهي مش مفاجأة واحده بس دول إتنين ..
أمل بفرحه بجد إتنين عارف ياسيف دي أول مرة حد يعملي مفاجأة بس حصلتلي مفاجأة واحده في حياتي وكانت أجمل مفاجأة وأحلى هدية ..
سيف بغيره ممكن أعرف مين اللي عملك المفاجأة دي ..
أمل هههه بحبك وإنت بتغير 
أجمل مفاجأة حصلتلي هي إنت 
إنت أجمل مفاجأة ياسيف إنت عوض ربنا ليا ..
سيف ربنا يقدرني وأقدر أسعدك أهم حاجة عندي هو إني أشوفك بتضحكي ووشك منور زي القمر
قربت منه وباسته من خده 
أمل بحبك يا سيفو ياقلبي ..
سيف بغيظ بتبوسي إبن أختك بعدين مين سيفو دا ..
أمل إنت ياحبيبي أجمل سيفو ههههه ..
سيف وقف العربية فجأه
سيف قلب سيفو بصي إنتي هتغمضي عينيك ومش هتفتحيهم لحد ما أقولك ماشي ..
أمل وأغمض عينيا ليه ..
سيف عايز أخطفك علشان وصلنا للمفاجأه ياحبيبتي ..
أمل فين المفاجأة عايزه أشوفها ياريت ملاك كانت معانا ..
بصت لتحت ودموعها نزلوا
سيف حبيبتي هي في مكان أحسن من هنا ربنا يرحمها ..
أمل بدموع وحشتني أوى ياسيف ..
سيف مسح دموعها ربنا يرحمها اهدي حبيبتي ..
مسك ايدها ونزلوا من العربية 
سيف غمضي عينيك علشان
المفاجأة متروحش ..
أمل غمضت عينيها مسك ايدها وبدأ يمشي لحد مادخل لمكان وقف 
سيف ها مستعده علشان تفتحي ..
أمل بحماس أيوه أفتح ..
سيف 1 2 3 فتحي يلا ..
أمل فتحت عينيها حطت إيدها على بوءها ونزلت دموعها
نادية دخلت تجري لأوضة بنتها 
سيلا في إيه ياماما ..
نادية آسر جه وشاف راشد قدام الباب هو والمأذون ولما آسر عرف إنك هتتجوزيه ضربه ..
سيلا بدموع يانهار إسود وآسر ياماما حصله حاجة .
نادية عمالين بيضړبوه قدام في الحارة وسط الناس مافيش حد قدر يدخل
سيلا بسرعه ياماما تعالي ساعديني علشان أخرج ..
نادية زقت الكرسي وخرجوا شافت الناس مجتمعين وآسر مرمي على الأرض ورجالة راشد نازلين فيه ضړب 
راشد بغيظ إضربوه علشان مرة ثانية مايبصش لحاجه بتاعت راشد ..
آسر حتى لو ضړبتني من هنا للصبح مش هسمحلك إنك تأخذ سيلا ..
راشد إضربوه ماترحمهوش لحد مايتمنى المۏت ..
سيلا بإنهيار أرجوكم سيبوه أنا موافقه اتجوزك سيبوا يمشي علشان خاطري ..
آسر لا ياسيلا مش هسمحله يتجوزك ..
سيلا پبكاء إسكت ياآسر وأمشي من هنا ..
نادية أرجوك ياراشد بيه سيبوا واتجوز سيلا ماحدش هيمنعك ..
فجأه جه صوت من وراهم 
أنا بمنعه