رواية وبالعشق اهتدى الجزء الثاني من ميثاق الحړب والغفران الفصل السادس بقلم ندي محمود
إليه متمتما في اهتمام
_مالك ياغزل إيه اللي حصل ياحبيبة چدك
أجابته بصوت ناعم وعينان دامعة
_ علي كل ما يشوفني بيتكلم معايا بأسلوب مش محترم وبيزعق فيا
رفع حمزة رأسه وتطلع لحفيده بحدة ونظرة كلها عتاب ووعيد حقيقي له فقال علي بصرامة ولهجة مهذبة أمام جده
_سبق وقولنالها ياچدي اللبس ده ميتلبسش إهنه وهي مصممة تلبسه ومش عاچبها لما بنقولها غيريه
_أنا اللي أقول مش أنت.. أنت ملكش صالح بيها ودلوك اعتذر من بت عمتك يلا
رأى في عين غزل نظرة نصر وشماتة فأظلمت عيناه وحاول إظهار الثبات الانفعالي قدر الإمكان وهو يجيب على جده بالرفض في أدب
_اعتذر لما أكون على غلط ياچدي لكن أنا على حق يعني أنا مبعتذرش من حد وابقى انصحها تلم لسانها شوية عشان مش كل مرة هعديها لما تغلط فيا
نظر حمزة لغزل وقال بجدية
_تعالي معايا ياغزل عاوز اتكلم معاكي شوية!
داخل قاعة الأفراح حيث تقام حفلة خطبة بلال وحور.......
ارتفع صوت رنين هاتف آسيا وعندما نظرت في الشاشة رأت رقم مجهول دون اسم تجاهلته وكتمت صوت الرنين واعادت الهاتف على سطح الطاولة مجددا لكن دقيقة بالضبط وعاد يصدح صوت الرنين مرة أخرى فتأففت بنفاذ صبر وقررت الرد على ذلك المزعج كما وصفته.
_الو مين !
وصل لأذنها صوت خلود الخاڤت والمبحوح وهي تستنجد بها
_أنا خلود يا آسيا الحقيني أبوس يدك
ارتخت عضلات وجهها وتحولت من الحدة للدهشة وراحت تتلفتت حولها تتأكد من عدم متابعة أحد لها وبالأخص زوجها وبسرعة هبت واقفة وقادت خطواتها السريعة باتجاه إحدى الزوايا المعزولة عن الناس والصوت بالقاعة من الخلف لتتمكن من التحدث براحة وعند وصولها قالت بقلق
حاولت خلود كتم صوت بكائها وهي تهمس لآسيا في الهاتف بصوت ېمزق القلب
_قولي معمليش إيه أنا خلاص يا آسيا لو ملقتش طريقة اهرب بيها منه ھموت نفسي وارتاح امبارح حاولت اهرب بس مسكني وحبسني في الأوضة من وقتها من غير وكل ولا شرب وأنا قدرت اخد التلفون من غير ما يحس عشان اكلمك
_ده بني آدم مريض مستحيل يكون طبيعي انتي من امبارح من غير وكل ولا شرب!
ردت خلود بالإيجاب وهي تتوسلها بعجز
_أيوة.. أبوس يدك يا آسيا انقذيني منه قبل ما يخلص عليا
مسحت آسيا على وجهها وهي تتنهد الصعداء بضيق وتردف بقلة حيلة
_هساعدك ازاي يا خلود أنا وعمران من وقت ما چيت عندك البيت واحنا مش بنتكلم وأنا سايبة البيت وقاعدة في بيت أبوي ولو عرف أني كلمتك بس تاني القيامة هتقوم
_خلاص يا آسيا أنا هتصرف وهحاول الاقي طريقة وأنا مش عارفة اشكرك كيف أنك چيتي لغاية عندي المرة اللي فاتت وبتردي عليا رغم كل اللي عملته معاكي وحاولتي تساعديني على قد ما تقدري
لأن قلبها واشفقت على حالتها البائسة فأخذت نفسا عميقا وهتفت بجدية ولهجة قوية
_طيب بصي ياخلود أنا هحاول اساعدك والاقي حل وهتصرف بس متتصليش بيا تاني غير للضرورة احسن الحيوان اللي عندك ده يعرف ويعمل فيكي حاچة تاني
ظهر شبح بسمة خلود الفرحة وهي تجيب على آسيا بامتنان
_حاضر وشكرا قوي يا آسيا
كادت آسيا أن تجيب وتنهي
