رواية ضحېة عشق الفصل الثاني والعشرون بقلم مريم احمد
كدا لأن ساعة جوازها من حسن مكنش في اي تجهيزات في البيت ولا اي حاجه مجرد انهم كتبوا الكتاب و جم القصر
حضنتها شيرين و هي بتقولها بفرحه حقيقيه
شيرين...الف مبروك يا روحي
نغم...شيرين هما ليه بيعملوا كل دا
بصتلها شيرين باستغراب
شيرين...دا طبيعي يا حبيبتي لازم العريس و اهله يجوا يلاقوا البيت شكله كويس و كمان لازم يكون في حاجه تتشرب و حلويات كدا عشان تقدميهالهم
نغم...ايه اقدمهالهم!!
هزت شيرين راسها بأكيد
نغم...لا لا طبعا قديميها انتي و انا هقولهم ان انا الي قولتلك تعملي كدا
دورت شيرين عينيها بزهق من نغم و قالتلها
شيرين...هو ايه الهبل الي انتي بتقوليه دا
نغم...ايييه يا شيرين فيها ايه يعني
جت هيام و هي بتقولها
هيام...مالك بس يا عروسه مضايقه ليه
نغم....يا طنط بقولها تقدملهم هي الشربات مش راضيه مع اني هقول ان انا الي قولتلها تقدمه بدالي
هيام...يا حبيبتي مينفعش
نغم...لييه بس يا طنط
هيام...عشان العروسه هي الي بتقدم الشربات يا عمري
قالت نغم بحزن
نغم...طب افرضي وقعت هيبثى شكلي وحش
هيام...لا يا حبيبتي خليكي واثقه كدا في نفسك و متتوتريش خالص
نغم...هو ممكن يسبني بجد لما يعرف بموضوع الطلاق دا
سكتت هيام شويه و بعدين قالتلها
هزت نغم راسها و قالت
نغم...انا هطلع انام بقى
مسكت هيام ايدها بسرعه قبل م تطلع و قالتلها
هيام...لأ تنامي اييييه..مفيش وقت
بصت لشيرين و قالتلها
هيام...اطلعي يا شيري جهزيلها فستان حلو كدا
هزت شيرين راسها بابتسامه و خدت نغم و طلعوا
في اوضة نغم كانت شيرين واقفه في غرفه الهدوم و هي بتشوف لنغم فستان تلبسه
عجب شيرين فستان طويل و بكم لونه أوف وايت و شكله رقيق جدا
خرجت من غرفة الملابس و ورته لنغم و قالتلها
شيرين....هو دا انسب حاجه استني بقى اشوفلك الطرحه
نغم...لا طبعا يا شيرين دا لونه اوف وايت
شيرين...عايزه فستان اسود يعني ولا ايه مش فاهمه
نغم...لأ مش اسود يعني بس برضو مش اوف وايت يا شيري
شيرين...هو دا اللون الي طالع مودا دلوقتي و اقولك على حاجه كمان البنات دلوقتي بقت بتلبس فساتين لونها ابيض في خطوبتها
هزت نغم راسها و قالتلها بابتسامه
نغم...يعني الفستان دا حلو
شيرين...حلو جداااا و رقيق اوي يا نغومه بجد
كملت و هي بتقولها
شيرين...تعالي كدا
خرجت نغم من البلكونه و قفلتها و راحت لشيرين
خدت شيرين طرحه. لونها قريب من نفس لون الفستان و قالتلها
شيرين...الطرحه دي بقى هتبقى حلوه اوي بجد
ابتسمت نغم و خدت الطرحه من شيرين
نغم...بجد شكرا اوي يا شيري على تعبك دا
شيرين...انتي ايه الي بتقوليه دا بس انتي متتخيليش فرحتي بيكي عامله ازاي يا حبيبتي
سمعوا صوت خبط على باب الاوضه و سمحوا للطارق بالدخول
دخلت هيام و هي بتقول لشيرين
هيام...ها لقيته فستان حلو
خدت شيرين من نغم الفستان و ورته لمامتها و هي بتقولها
شيرين...دا وحش يا ماما!!!
هيام.....لا طبعا دا جميل اوي و رقيق جدا جدا
شيرين...قولي لنغم بقى
بصت هيام لنغم و قالتلها
هيام...الفستان تحفه يا نغومه
ابتسمتلها نغم بفرحه
قالت هيام لشيرين
هيام...تعالي يا شيري معايا نشوف الحلويات الي عملوها
هزت شيرين راسها و خرجت هي و امها
في اوضة سجده كانت قاعده هي و امها الي قالتلها
صباح...اوعي تنسي تعملي الي قولتلك عليه يا سجده
ابتسمت سجده بخبث و قالتلها
سجده...متقلقيش يا حبيبتي
صباح...جدعه
عدى وقت و كانت مراد و اهله بيتكلموا مع خالد و هيام في الصالون
و كانت نغم واقفه في
