رواية ضحېة عشق الفصل الثاني والعشرون بقلم مريم احمد
يا خالو هو كدا كدا جاي و هما هيعرفوا
هز خالد راسه...ربنا يستر
ابتسمت نغم و قالتله
نغم...متقلقش كله خير ان شاء الله
كانت سجده قاعده في اوضتها ھتموت من كتر غيظها و هي بتدعي من كل قلبها ان الجوازه دي تبوظ و ان فرحة نغم متكملش ابدا
اتفتح الباب و دخلت صباح و هي باين على وشها الڠضب
اتنفضت سجده من مكانها پخوف بسبب صړيخ امها في وشها و هي بتقول پقهر
سجده....مش دا كان كلامك ليا من زمان مش كنتي بتفضلي تقوليلي انتي ملكه و المليكات مبتعكلش اي حاجه و الكل بيخدمها و طلباتها اوامر مش دا كان كلامك برضو
تضايقت صباح من نفسها جدا لأن فعلا هي قالتلها كدا
سجده بغل...الجوازه دي لازم تبوظ بأي شكل من الاشكال يا ماما
صباح...طبعا يا حبيبتي لازم نبوظلها الجوازه دي يإما انتي كمان لازم تتجوزي واحد ناجح في شغله زي مراد بالظبط
ابتسمت سجده بسخريه و قالت
سجده...مفيش حد ناجح في شغله زي مراد يا ماما
سجده...ازاي بقى
صباح بخبث...اسمعي الي هقولك عليه و نفذيه بالحرف الواحد ووووو
تاني يوم كانوا كلهم قاعدين بيفطروا في صمت
قطعت نغم الصمت دا لما قالت
نغم...خالو ممكن مروحش انهارده الشركه معلش
سابت شيرسن الاكل و بصتلها و هي بتقولها
شيرين...ايه الهبل دا هتسيبينس اروح لوحدي يعني ولا ايه
خالد...انهارده في اجتماع مهم لازم تحضريه يا نغم انتي عارفه في حاجات ممكن تخسر الشركه انا مبخدش بالي منها
نغم...بس يا خالو معلش مش لازم انهارده ممكن
اتكلم خالد بخبث و هو بيقولها
خالد...متقلقيش مش هيجي انهارده غير اخر اليوم عشان يعرف رأيك
بصت نغم في طبقها و هي مكسوفه لأنها عرفت ان خالها فهم انها مش عايزه تروح الشركه عشان لو مراد هيروح لخالها انهارده
شيرين...اوعي و انتي بتقدميلهم الشربات تقعي
نفخت نغم بتوتر و قالتلها
نغم...خلاص يا شيري انا اصلا متوتره لوحدي
ضحكت شيرين عليها و هي فرحانه جدا ليها
خالد...يلا يا نغم اطلعي هاتي شنطتك و انتي كمان يا شيري عشان منتأخرش على الشركه
كانت خديجه مامة مراد قاعده في جنينة قصرهم بتقرأ اذكار الصباح و هي سامعه صوت العصافير الي كانوا طايرين حواليها في الجنينه
جيه مراد و قعد على الكرسي الي قدامها و هو بيسمعلها
بتدعيله هو و اخته
ابتسملها بحب كبير و هي قالتله
خديجه...صباح الخير يا حبيبي
باس ايدها و قالها بحب
مراد....صباح النور على احلى ديچا في الدنيا
ابتسمتله خديجه و قالتله
خديجه... استنى هقوم اقولهم يحضرولك الفطار
مراد... لا لا خليكي يا حبيبتي انا متأخر اصلا لازم اروح الشركه
خديجه... مش ناوي تتجوز بقى يا مراد و تفرح امك
ابتسملها و قالها
مراد... انا اصلا جاي اتكلم معاكي في الموضوع دا
فرحت خديجه جدا و قالتله و هي مش مصدقه
خديجه... لاقيت عروسه!!!!
ضحك و قالها
مراد... ايوااا
زغرطتت بفرحه كبيره و هي حسه ان قلبها هيقف من كتر الفرحه
ضحك مراد جامد و قالها
مراد... بس بس الكومباوند كله صحي على صوت الزغروطه
خديجه... سيبني افرح يا مراد
مراد...يا حبيبتي افرحي بس انا اصلا لسه معرفش هي وافقت ولا لأ
خديجه...و دي مين دي الي ترفضك اصلا
بصلها مراد و هو بيضحك
مراد...و ايه المشكله
