رواية سيدة الاوجاع السبعة الفصل السابع بقلم رضوي جاويش

إلا أن الباب انفرج عن محيا أبيها الساكن .. 
دخلت أمل متعجبة متسائلة في قلق في ايه يا بابا مالك !.. 
ثم تنبهت واندفعت في اضطراب للداخل باحثة عن ولدها .. طافت بالغرف جميعها لكنها لم تجده لتعود من جديد لموضع جلوس أبيها المنكس الرأس متسائلة في توجس فين سليم يا بابا !.. 
ونظرت إلى تلك الورقة التي يمسك بها بكف متهدل متناولة إياها ناظرة إليها وهي تجلس جواره .. جرت عيونها على السطور في عجالة لتتطلع إلى شيرين التي كانت قد جلست جوارها تتطلع معها لذاك الخطاب يدفعها قلقها لمحاولة إدراك ما يحدث .. همهمت أمل في ۏجع أمجد طلقني غيابي .. أنا طلبت ده .. بس فين سليم يا بابا !.. 
هتف أبوها بصوت متحشرج يكاد الخزي يخرسه سامحيني يا أمل مقدرتش أحافظ لك على ابنك .. جه لحد هنا وخده .. قال بالحرف الواحد أن أمه مريضة ومش هاتقدر ترعاه وهو أولى بيه .. 
صمت مطبق ساد المكان ولم يعقب احدهم بحرف .. صمت قاس حاد كنصل سکين ېمزق السکينة أشلاء ويخلق بالنفس ألف ۏجع .. 
ربتت شيرين على كتف أمل متعاطفة وهمست تحاول مواساتها كان متوقع من أمجد أكتر من كده .. هو بينتقم لأنك رفضتي ترجعيله بشروطه .. فقرر يحرمك من أكتر حاجة بتحبيها .. ابنك .. 
هتف الأب مؤيدا صح كلامك يا شيرين .. حسبنا الله ونعم الوكيل .. أنا مش هسكت وهقوم محامي و.. 
قاطعته أمل مؤكدة أمجد مش هيتحرك إلا بمحامي يا بابا وعارف هو بيعمل ايه .. 
أكدت شيرين بقولك إيه !.. والله ما هايستحمل يقعد بالولد ولا ياخد باله منه .. وهيرجع لك .. وابقى شوفي.. 
همست أمل في وجيعة طب هيخليني اشوفه ولا لأ !.. 
أكدت شيرين في حماسة ولا تسألي .. هو اكيد هيسيب الولد في البيت نايم .. أصل مش أمجد اللي هيجيب له حد يقعد معاه .. وكمان أمه ساكنة بعيد .. يعني كل اللي بيعمله ده مجرد عناد معاك.. ساعة لما ينزل المفتاح بتاع شقتك معايا هخليكي وقت ما تحبي تيجي تشوفي الولد .. 
هتف أبوها في امتنان ربنا يبارك لك يا بنتي .. 
هتفت شيرين تسلم يا عمي .. بس أنا مش عايزة أمل تقلق من حاجة وبعدين الدكتور كان طلب أكتر من مرة أنها تفضل في المستشفي وهي اللي كانت بترفض عشان سليم .. دلوقتي سليم مع بباه و تحت عيني .. يبقى ملكيش حجة.. ماشي .. 
هزت أمل رأسها إيجابا وسالت دموع عينيها في استكانة لتضمها شيرين إلى أحضانها ..