رواية نبض الۏجع عشت غرامي الفصل الثاني والثلاثون بقلم فاطيما يوسف
بتلك الطريقة المهينة له ثم سألها وهو يدعي الاندهاش والاستنكار في آن واحد
_ليه يعني اخر راجل يا مها !
مكانتش غلطة عميلتها هتخليكي تقسى علينا اكده احنا الاتنين اني دلوك جاي لك لحد عندك وبطلب منك يدك ونبدا من جديد ونجيب زين وزيدان تانيين ونربيهم احنا الاتنين سوا ونداوي چرح وحزن بعض واحنا الاتنين أدرى الناس بوجعنا .
_ زين وزيدان عمرهم ما يتعوضوا ابدا وارجوك كفاية بقى بعد عني مهتحملش اكتر من اكده متضغطش عليا كفاية اللي اني فيه مش ناقصة همك انت كمان شوف طريقك يا ابن الناس بعيد عني
_ وبعدين جواز ايه اللي انت جاي تتكلم فيه واني جوزي م يت بقاله شهور انت عايز الناس تقول عليا ايه
داي جوزها وولادها م اتوا ومقصرش فيها وراحت تتجوز ولا كانها بتحس ولا كانها بني ادمه !
بعد عني يا عامر كفاية اللي جرى لي بسببك كفاية قوي لحد اكده .
_ يا مها انا بحبك صدقيني مش قادر اشوف ست غيرك حاولت مره واتنين وتلاته وكتير مش قادر
حاولت اني اعرف غيرك واتكلم مع غيرك واحب غيرك مجرد ما بشوفهم بحس اني مخڼوق وصورتك تيجي قدامي ما بقتش عايز غيرك قلبي اتعود عليك وعيوني اتعودت على رؤيتك انت بالذات حتى لمستي لأي ست مش هتبقى زي ما كنت بتعامل معاكي
حرام عليك يا مها بقى كفايه عڈاب فينا وترضي بقسمة ربنا واكيد له حكمه في كل اللي حصل علشان يجمعني بيكي .
رفعت جفونها المغشية بالدموع ببطء ثم قالت بنبرة حزينة
_ اللي حصل ياعامر مش سبب علشان ربنا يجمعني بيك له !
اللي حصل لي درس لكل ست تفكر تغضب ربنا وتعمل اللي أني عملته درس العمر بس كان ابتلاؤه شديد قوووي هفضل أعاني منيه سنين وسنين احنا الاتنين مننفعش لبعض أبدا كمل طريقك بعيد عني أني ولا هنفعك ولا عدت أنفع غيرك أني بقيت نفس ماشي على الأرض من غير روح بقيت عاملة زي الدمية اللي بتقوم تاكل اللي يكفيها علشان تقدر تتنفس وخلاص بس الحاجة الوحيدة اللي اتعلمتها جامد من درس العمر هي القرب من ربنا
_ مش هتجوزك ياعامر مهما عميلت ومهما صبرت حتى لو ملامح الشيب علمت على كل ملامحك .
دمعت عيناه وهي تخبره بحزنها الشديد
انتصب في وقفته ونظر حوله بنظرة ثاقبة ثم عاد ينظر إليها بنظرة تحمل عطفا على حالها
فهل يتركها تسرد له ألمها وابتعادها عنه دون وقوفها
_ انت ليه مصممة توجعيني وتبعديني كل مرة يعني صممت قبل اكده على رأيك وحوصل اللي محدش يتوقعه ودلوك مصممة على الفراق والبعاد وبدون سبب يامها
وتابع حديثه بۏجع مماثل لها ليقول پألم وجراح روح مثلها
_ إذا كنت بتلومي حالك على اللي حوصل بينا قيراط أني كمان بلومه عشرين قيراط وإذا كنت انت بتعرفيش تنامي من الكوابيس اللي بتاجي لك علطول بحس إن صورة مجدي أخوي وهو بيبص لي كانه عايز يخ نقني
واسترسل وهو ينظر إليها برجاء كي يجعلها تلين ويؤثر عليها
_ وزي مانت بتقولي إنك مهتنفعيش أي راجل تاني أني كمان معرفش أعيش ولا أتقبل أي ست تانية في حياتي غيرك يامها اكده حكمتي علي بالوحدة طول العمر واكده ظلم ليا بعد كل اللي حوصل بيناتنا .
تعلقت عيناها به بنظرة ضائعة أرجفت ذلك القابع بين أضلعه.
أشاح عيناه عنها ثم زفر أنفاسه بقوة حتى وصل إليها هول زفيره فأردفت بتمنع كي يرحل فهي لن تكمل طريق الأشواك معه كفاها تلك السنوات الماضية عاشتها في مرار وعدم استقرار سنين عجاف لم تذق فيهم طعم الراحة من ع ذاب الضمير والبكاء على ما فعلته معه وفي خۏفها على فلذات أكبادها مما سيحدث لهم
ثم استجمعت قواها وتحدثت بنبرة واثقة جعلته فقد الأمل
_ متحاولش ياعامر اني وانت سكتنا افترقت عن بعض ومتشيلنيش ذنبك وزي ماني مشيلتكش شيلتي التقيلة وبعدت بحالي وبداوي ۏجعي لحالي انت كمان ياعامر اعمل زيي وابدأ من جديد أني لا عدت أفرح ولا أحزن ولا أحس بالحلو ولا الۏحش مش هنفعك دور على بت الحلال اللي تكمل معاها بعيد عني انت قلبك طيب ولسه مليان بالخير وألف مين تتمناك
اللي بيني وبينك واللي ربنا لسه محاوطنا بالستر اللي إنت متعرفش قيمته لسه منكشفش لا انت هتتحمل نظرات الناس ولومهم ونهرهم ليك لو اللي بينا انكشف وأني هخسر أمي وأخواتي وبعدها الم وت أهون لي من إني أكمل حياتي اكده
وأكملت وهي تضع عيناها في عينيه
_ الستر دي الحاجة الوحيدة اللي بينت لي إن ربنا قبل توبتي ويستحيل أفرط في باب التوبة اللي اتفتح لي وأروح للڤضيحة برجلي
أرجوك ياعامر سيبني بقي أكمل اللي باقي من حياتي وأني مرتاحة سيبني أحزن على اللي راحوا لحالي لأنهم مش هينين دول مشيوا وأخدوا روحي وضحكتي وكل حاجة حلوة معاهم .
الآن تأكد أنها لن تستكين له ولمحاولاته معها ولن ترضى باقترابه منها فتحدث بنبرة مخذول
_ يعني خلاص قصة مها وعامر انتهت ومبقاش فيه نصيب يجمعهم
أغمضت عيناها وداخلها متعب وأجابته بتأكيد
_ هي المفروض مكانتش تبتدي ولا توبقى موجودة من الاساس قصة مها وعامر قصة غلط سرقوا لحظات من العمر لكن ندمتهم عمرهم كلاته.
حمل مفاتيحه وانتوى المغادرة فهو تيقن من تيبس رأسها وقد قرر السفر للغربة فيبدوا أنه سيظل غريبا طيلة حياته سيظل ليس له وطن أو أهل أو أصحاب أو أحباب فهو كان يتيما والآن أصبح وحيدا فقد رحل أخيه
ثم هتف بنبرة متأثرة لابتعاده عنها
_ أني هسافر وهرجع مطرح ماكنت وكأن البلد داي كارهة وجودي فيها كل لما أقول هرجع وهستقر بلقاني أعاود مكروه مغ صوب بس عايز أعرفك قبل ما أمشي إنك حبي الأول والأخير وانك هتوحشيني يامها .
إستجمعت قواها التي تبعثرت من نبرة الشجن التي يتحدث بها وأثرت في روحها وتحدثت بنبرة حذرة له وصوت عال وهي تنهاه عن كلامه ذاك
_ لو سمحت ياعامر ممنوع تماما تتكلم معاي بالطريقة داي تاني أني خلاص الكلام المعسول المزين دي كرهته مبقاش يأثر فيا روح يابن الحلال مطرح ما ترتاح وابني لنفسك عش جديد ومن الأحسن تهد عشي اللي في قلبك .
تيقن الآن أنها لن ولم تتراجع فهو الآن يقف أمام امرأة جديدة
