رواية اڼتقام انثي الفصل السادس والثلاثون بقلم رشا منصور
انت في الصفحة 1 من 3 صفحات
عبدالرحمن. ..
أسلوب مروان معايا خلاني رجعت اشك فى جيلان تانى اتصلت ع صاحبي اللى كنت اديته رقم جيلان يعمل بحث. عليه يشوفلي كانت بتكلم مين
لقيته قالي أنها مكلمتش اى رقم من الصعيد غير مروان وعمي عثمان ومكالمتها قليلة جدا وكلها خاصه بالشغل ومن شهر تقريبا اتصلت بالمحمية. الطبيعية للزواحف
ويعتبر مافيش اى حاجه غريبه ولسه إمبارح عامله مكالمة للقاهرة المكالمه مكملتش دقيقة وكانت لنفس رقم المعمل لكن كان بيرد من مكان قريب من عنوان المعمل
اتصلت ع الرقم سمعت رساله مسجله بأن مواعيد العمل من 8 صباحا حتى 5 مساء
قررت اصبر لحد الصبح ومع ان كل حاجه طبيعية إلا ان عندى إحساس ان جيلان وراء اللى حصل مع عمتى ولمياء
وابتديت ابحث ع جوجل حوالين أعراض ټسمم الحشرات والزواحف لقيت كلام وأبحاث كتير لحد ما قرأت عن ټسمم العناكب. ان بيسيب إرتفاع فى درجه الحرارة الجسم وأنه بيتفاعل مع الادويه وبيسبب سرعه ضربات القلب تصل إلي جلطه وټسمم العقارب. بيسبب الشعور بالغثيان مع ارتفاع درجه الحرارة لكن مفعوله بينتهي فى خلال يومين !!!
ولمياء كمان فعلا بعد ما تحسنت تعبت ودلوقتي الادويه بتتفاعل مع السم اللى فى جسمها
جريت ع أوضة لمياء وبلغت التمريض ان محدش يديها اى ادويه لأنها متعرضه ل ټسمم العنكبوت. وده هيزود الأعراض أكتر ووريتهم المكتوب ع جوجل
واحدة منهم بصت ع جسم لمياء لحد ما شافت دائرة صغيرة بيضاء ودى كانت تشبه الصورة اللى ع النت
أنجي.
كنت قاعدة حزينة ع حالنا واللى حصل لنا وعارفه ان الدور عليا بعد امي ولمياء فجأة لقيت عبدالرحمن واقف قدامى
وقالي انتوا ليه عملتوا كدا انطقي
قولت له مش فاهمه بتكلم عن ايه أنا تعبانه سيبني دلوقتي
انتى اللى صورتي أحمد علشان تعملوا له السحر قولتله أنا ماليش دعوة هما السبب
ومرة واحدة لقيت قلم نزل ع وشي ومسكني من شعري وقالي مكنتش متخيل إنك تعملي حاجه زى دى وكمان تكدبي.. عليا وتألفي حوار ان فى حد بيهددكم وأنكم مظلومين
قولتله والله العظيم أنا ماليش دعوة وفعلا فى حد بيهددنا غير جيلان لأن وصل رساله لمياء وأنا واقفه جنبها وكانت جيلان واقفه مع مامتك وبتكلمها وقتها لمياء وقعت من طولها
قالي يبقي حد تانى
