رواية اڼتقام انثي الفصل الرابع والثلاثون بقلم رشا منصور

علاج
علشان كدا أهم حاجه دلوقتي تقوى المناعه بتاعتك وتاخدى فيتامين C وتاكلي خضار وفاكهه
وقولتلها أنا هاخد منك عينه ډم اوديها المعمل يحللها وان شاء الله ميطعلش عندك حاجه وفعلا اخدت العينه وخرجت من عندها ونزلت تحت
واخدت الأولاد ومن ضمنهم ابن لمياء وانجي رفضت تيجي معانا علشان تتابع أخبار مامتها وكمان الحمل تاعبها ومش هتتحمل دوشه الأولاد وقابلت مروان وأنا ماشيه 
وطبعا كنت واخده شنطتي اللى فيها هدومى وحاجتى واللاب توب علشان أول ما تظهر نتيجة تحاليل فحص كورونا حد يبقي يقعد بالأولاد وأنا اسافر علشان احلل عينه عمتو
وخرجنا كلنا وأنا واثقه ان لمياء حرارتها هتزيد من بعد ما شكتها ب سن. السرنجه اللى سحبت بها عينه الډم لكن الحقيقية السن كان فيه سم التعبان مخلوط ب سم. العناكب. 
وده هيسبب لها إرتفاع فى درجه الحرارة والشعور بالغثيان. والإرهاق الشديد وطبعا ده هيأكد للكل أنها مصابه بالكورونا وبالتالي محدش هيقرب منها وهتفضل محجوزة فى اوضتها
مروان .
أول ما شوفت جيلان خرجت من عند لمياء شكرتها ع وقوفها معانا واعتذرت لها ع تقصيري فى حقها وخصوصا من بعد مۏت ابني لقيتها قالتلي مافيش داعي للاعتذار وبالنسبه ل حقي ربنا هيجيبوا ليا وخدت الأولاد وشالت ابني وقالتلي اطمن أبنك فى عنيا يا مروان ومشيت 
مكنتش متخيل فى يوم ان جيلان تكون بالشهامه دى
جيلان. 
عم عثمان خلي الغفير جاب اقفاص فاكهه وخضار وشاى وقهوة وقالي التلاجه هتلاقي فيها لحوم وأى حاجه هتحتاجي لها اتصلي وهتجيلك ع طول 
قولت له كتر خيرك يا عمو أهم حاجة اول ما تظهر النتيجه طمني علشان الحق اخد عينه من عمتو واسافر ع طول
وبعد ما وصلت الشقه وخليت الأولاد تستريح دخلت اوضه وكلمت المساعد بتاعي اشوفه وصل لحد فين فى اللى كنت مكلفاه به وطمنى ان كل حاجه تمت زى ما انا عاوزة بالظبط
وبعد ما رتبت كل حاجه ابتديت أتخيل رد فعلهم لما يعرفوا اللى أنا عملته وخصوصا .. 
يتبع.
تفتكروا جيلان ناويه تعمل ايه تان