رواية اڼتقام انثي الفصل الثالث عشر بقلم رشا منصور
واطلعك تطمني عليه لكن الكلام وحركات النسوان دى ولا لها لازمه
واللي ردت عليكي تبقي اخت جوزك يعني يهمها أمره واللى بتساليه يبقي جوزها يعني انتي اللى بتجيبي الغلط لنفسك محدش فيهم داسلك. ع طرف أنتي اللى عماله تنخورى. وتدوري ع النكد بمنكاش. روحى ع جوزك زى ما قالت إحسان اشبعي منه علشان ميقدرش يخالف. كلامنا ويخرج من اوضته ويسيب عروسته الحلوة ويجيلك قومى يلا
أول ما جيلان خرجت وقفلنا الباب وراها قولت ل سعديه البت دى ابتلاء أبنك ابتلانا بها امتي تغور من هنا دى بتنكش ع اى نكد ومشاكل. كويس ان بنتي هتقعد عندنا
عبدالرحمن. ..
وهي تقدر تعمل ل لمياء حاجه حد يقدر قريب ولا غريب يمس أختى بطرفة عين
لمياء.
ربنا يحفظك ليا يارب ويحميك من عنيها دى حسودة مشالتش عينها من عليك لازم نبخرك ونرقيك
لمياء
كنا دخلنا فى سين وجيم وصورتنا تتهز فى البلد علشان واحدة متسواش وتروحى فى داهيه بسببها
سناء
ع رأيك دى فردة شبشب آخرها ادوس عليها هشوفلها حاجه تانيه تزيحها. من هنا
عمتي إحسان.
بقولكم إيه إحنا ورانا فرح وسهر لازم نلحق ننام شويه وانتى يا سعديه خدى بالك بدل ما البت دى تكون مستنيه عبدالرحمن هناك إحنا مش زى بتوع بلاد بره وابنك ياختى معندوش ډم ولا نخوة متزعليش مني
بصيت ل سناء وقولت لها روحى معاه وباتي هناك بدل ما تستفرض به قالتلي والله لو لمحتها لاخلي صوتها يسمعك هنا
عبدالرحمن.
بصيت ل انجي وقولت ده إسمه قلة ثقه فيا ولا شيفاني مش هقدر عليها لقيتها قالت
إحنا واثقين فيك لكن مش واثقين فى الشيطانه اللى هناك
قولت لهم خليكم مع بعض والصبح يا سناء تعالى خدى فستانك وحاجتك وطلعي لبس العيال علشان امك تجهزهم متسبيش أنجي ولا لمياء وخلي بالك هى هتحاول تستفزوكم بكره وبالذات لمياء اتصرفوا كأنى موجود بالظبط ومحدش يمسك عليكم غلطهمفهوم طبعا يلا تصبحوا ع خير
جيلان
روحت وأنا مټعصبه ولقيت مروان فى الاوضه ومشغل التليفزيون وقاعد ياكل قولت له يعني قاعد ولاهمك أنا قولت هلاقيك مضايق علشان كسفتك لما وقعت فى وسط الناس
مروان.
اضايق من إيه دى عادات قديمه الرجاله متعودين عليها من زمان وكلهم هنا عارفين إنى كنت قاعد بره بقالي سنين يعني طبيعي أنسي الحاجات الغريبه دى لقيتها قالت
فعلا لها حق لمياء لما قالت أنك مالكش فى الحاجات دى لأنها حاجات رجاله
المهم أنا عرفت ان العريس هنا مش بيخرج من اوضه عروسته لمدة أسبوع وأنا زهقت ولازمنى فلوس أتصرف أظن أنا نفذت كلمتى وسكت خالص وباركت لهم رغم إنى اتهزقت واضربت منهم فين المقابل
