رواية اڼتقام انثي الفصل السادس بقلم رشا منصور

بعيد هى اللى تمسك لبنتك الطرحه كمان وبعد الفرح هبدأ اعملك لها العمل بس ده له حساب تانى 
والنقط دى منى هديه لكي بمناسبه الفرحه بس متنسيش الحلاوة لما الفرح يعدى ع خير
ديري بالك النقط دى مفعولها سبوع بالكتيريعني لازم بعد الفرح نعمل لها العمل متنسيش تجهزى فلوسك ولقيتها قالت والله ده أنا هدلعك بس يتحقق المراد
أنجي.
كنت مبسوطه أوى هتجوز اللى بحبه وطلع هو كمان بيحبني وسناء هتبعد عني مش محتاجه حاجه تانيه
لمياء.
كنت متغاظه من سناء وخصوصا لما عرفت أنها كانت عارفه ان أخوها متجوز وعاوزة تشمت فيا علشان كدا كنت موافقه ع كل حاجه بتعملها عمتي 
وقولت للشيخ أوعي تنسي طلبي عاوزة أخلص من الواد وامه 
ولقيته قالي الحل عندى بس أول ما تجبيلي أطر جوزك واهو صورهم موجودة وفى الوقت المناسب هيتحقق مرادك 
خرجنا من عنده وكلنا مبسوطين واشترينا شويه حاجات علشان قدام السواق يكون ده سبب تاخرينا
وأول ما قريبنا من البيت حطينا الشنط والحاجات كلها فى بيت عمتي وجريت ع البيت مبسوطه ودخلت أجري وانادى ع ماما وأول ما شوفتها قولت لها جيبت فستان الفرح وفستان للحنه يا ماما تحفه وانجي كمان وحاجات كتير أوى ولقيت امي ومرت عمي والبت بهيه فضلوا يزغرطوا وعمي عثمان دخل من بره وقال يا ألف نهار أبيض حمدالله ع سلامتك يابتي وبنبص لقينا جيلان واقفه ع السلم
عمي عثمان.
إيه اللى خرجك من الاوضه انارشامنصور مش قولتلك مافيش خروج من غير إذن مني و إلا كسرت رجلك ولقيتها قالت
جيلان.
عمو أنا نزلت أعتذر لكم ول لمياء وكمان قولت أبارك لها أنا واحدة غريبه ومكنتش أعرف اى حاجه عن عاداتكم ومرة واحدة لقيت الكل بيعاملني وحش من غير ما أعمل حاجه بس امبارح بالليل مروان شرحلي الموضوع وغلطت نفسي أوى
حقك عليا يا حبيبتى الشرع محلل أربعه وأنا أطول لما تبقي مرات جوزى زى القمر كدا ع الأقل نضمن أنه مش هيبص بره ومدام فى جميع الاحوال هيتجوزك قولت ليه منكنش اصحاب ما انتي اولادك هيكونوا اخوات ابني
وع الاقل لما يكون فى مصر أهو أنا موجودة ولما يقعد هنا انتي معاه المهم ميجبش لنا التالته 
سعديه ام مروان.
مكنتش مطمنه لها بس قولتلها عين العقل يا دكتورة وبكره لما تعشري لمياء هتعرفي أنها زينه البنات وكلنا يهمنا سعادتها وراحتها طول ما هى مبسوطه كلنا مبسوطين
عثمان قبلنا اعتذارك يلا اطلعي ل جوزك ولقيتها قالت
جيلان.
لو محتاجين اى مساعدة أنا قاعدة فاضيه مش بعمل حاجه وع فكرة أنا بفهم فى المكياج والماسكات كويس لو عاوزين اى مساعدة تحت أمركم 
امي حمديه.
تسلمي يابتي احنا هنا بنجيب ستات شغاله فى الحاجات دى ووبناتنا يقعدوا أميرات وانتى من العيله اقعدى وارتاحي والكل يخدمك ولقيتها قالت شكرا يا طنط
جيلان. 
لو
تسمح يا عمي الولد مش متعود ع الحپسه دى ينفع ينزل يلعب هنا مع أولادكم ولا ممنوع هو ملوش ذنب يتحبس معانا ولقيته قالي خليه ينزل يلعب مع عيال عمته وينام معاهم كمان وفى اوضه كامله فيها ألعاب للعيال اطلعي وخليه ينزل
لمياء
كنت قايدة ڼار والكل بدء يعاملها كويس وكمان لقيت ابنها نازل قدامي وعمي عثمان شالوا وخده فى حضنه ولقيته بيعرفوا علينا وبصيت ل عمي وقولت لهم انا راحه ابات عند عمتي وبصيت ل أمي وخرجت وأنا مقهورة كسرت فرحتى
وحكيت ل عمتي كل حاجه لقيتها قالت اصبري ولما العمل يشتغل مش الشيخ قالنا انه هيكرها 
سبيها دى هى بتعمل كدا علشان متبينش كسرتها قدامنا خليكي أنصح منها والعبي مع أبنها وخلي الكل يقول إنك بتحبي الواد حتى امك واوعى حد يشك فى حاجه علشان لما تخلصي منه محدش يشك فيكي فهمتي قولت لها انتي صح يا عمتي وبنبص لقينا 
يتبع..