رواية سيدة الاوجاع السبعة الفصل السادس بقلم رضوي جاويش

الۏجع السادس 
طرقات على باب شقة أبيها جعلت سليم يندفع ليفتحه لېصرخ في سعادة بابا وحشتني  
احتضنه أمجد في آلية خالية من المشاعر متسائلا فين ماما ! 
هتف والد أمل ساخرا الناس بتسأل على صاحب البيت الأول يا أمجد ولا إيه ! 
صمت أمجد للحظة وبعدها هتف في نبرة معتذرة إزيك يا عمي  
أشار له أبوها بالدخول لغرفة الصالون متعمدا معاملته كالضيوف ليتنبه لذلك ممتعضا يتبعه في هدوء ظاهري جلس وقبالته جلس حموه متسائلا خير ! 

هتف أمجد بلا مواربة عايز اشوف مراتي  
هتف أبوها مراتك اللي عيانة بمرض خطېر محتاج علاج وأنت بخلان عليها بتمنه وعايز تتجوز عليها بفلوس علاجها مراتك اللي حبستها ساعات من غير وسيلة اتصال ولو كان حصل لها حاجة مكنش حد قدر ينجدها ولا  
هتف أمجد محاولا تمالك أعصابه لو سمحت يا عمي ناديها أنا عايز اتفاهم معاها  
تطلع إليه أبوها في غيظ لكنه آثر الصمت ونادى على ابنته التي ظهرت على أعتاب الباب هاتفة نعم يا بابا ! 
أمرها أبوها تعالي أقعدي مع جوزك وشوفي هو عايزك فإيه  
تنهدت في قلة حيلة غير راغبة في معارضة أبيها وتقدمت لداخل الغرفة تجلس موضع أبيها الذي رحل مغلقا الباب خلفه في هدوء  
تطلعت أمل إليه في صلابة متسائلة خير يا أمجد ! ايه اللي جابك ! جايب لي دعوة فرحك ! 
قالت كلماتها الأخيرة ساخرة ما دفعه ليهتف في حنق بلاش الأسلوب ده يا أمل أنت مالك ! إيه اللي جرالك ! مكنتيش كده ! 
قهقهت أمل في ۏجع هاتفة مكنتش كده اللي هو إزاي ! مكنتش بتكلم لما ألاقيك جاي دايما على حقي وأنا ساكتة وأقول بيتي وابني ! ولا مستغرب إزاي أعترض إنك تتجوز جارتي وصاحبتي بالفلوس اللي المفروض تبقى لعلاجي ! ولا إيه بالظبط ! 
هتف أمجد في حنق أنا معملتش حاجة غلط من حقي اتجوز وبدل الواحدة أربعة  
هتفت أمل في حنق صح من حقكبس أنت مكنتش مكفيني ولا مكفي بيتك من كله عشان تقول اتجوز تاني ولا أنا كنت مقصرة معاك فحاجة عشان تفكر تتجوز لأني أهملت فيك إيه عذرك ! فراغة عين! ولمين ! لجارتي اللي أنت أول ما كانت تيجي سيرتها يركبك مليون عفريت وتفضل تقول فيها ما قاله مالك فالخمر مش شيرين دي اللي مكنش بتقول عليها إلا العانس ! ايه اللي اتغير إيه ! فكرت إنك تنفذها من العنوسة ! ولا كنت فاكر عشان هي عانس هتقبل بيك ! 
هتف أمجد مؤكدا أنا حر كانت هي أو غيرها أنا حر واعتقد إن دلوقت بقى عندي مبرر كافي إني اتجوز واحدة تانية  
تطلعت إليه أمل في وجيعة تمزقها هاتفة في تساؤل هي أول من يعلم إجابته المرة كعلقم أنت قصدك إيه! 
أكد في ثبات متغطرس من حقي اتجوز ست تخدمني وتكفيني لأنك عيانة وبمرض صعب الشفا منه ومكلف كمان  
هتفت في محاولة للثبات بمجهود خرافي تبتلع الغصات بحلقها قاټلة الدمعات بمقلتيها أمجد أنت جاي ليه دلوقت ! 
أكد في لهجة واثقة كادت أن تدفع بها لتقذف أقرب مزهرية بوجهه عشان ترجعي معايا  
تساءلت من جديد عشان ! 
هتف محتدا عشان ده الطبيعي ترجعي بيتك وتقومي بواجباتك الزوجية لأخر نفس ده دورك كزوجة  
هتفت به في حنق ودورك أنت كزوج فين ! 
تساءل ساخرا وأنا قصرت فإيه ! أنا عامل اللي عليا وزيادة  
هتفت ساخرة أنت متأكد !طب وأنا وصحتي !